---------------------------------------
يعنى لو حضرتك ورثت وليك نصيب فى عقار أو محل تجارى أو شقه أو أرض أو دخلت فى مشروع تجارى أو شركه مع حد وليك نصيب بس على المشاع ومش عارف تحدده ومش عارف اى حاجه عن الحسابات ولا بيكسب ايه او بيخسر ايه ومش قادر تتصرف فى نصيبك ده علشان على المشاع وانت مش لوحدك يبقى تعمل الأتى ... ترفع دعوى فرز وتجنيب يعنى تطلب فرز حصتك وتحددها وتجنبها عن باقى الورثه أو الشركه علشان لما تحب تتصرف فيها ممكن تبعها لوحدك من غير موافقة باقى الورثه .. وبس كده ؟
لا ومن حقك كمان تطلب الريع يعنى ايه يعنى نصيبك فى الايجار لو الشيء ده متأجر أو تخلى الشركه تقدم كشف حساب عن الفتره إلى فاتت كلها وطبعا نصيبك بيتحدد على أساس حصتك ..
طيب وهو انا لازم ارفع الدعوتيين مع بعض ؟
لا ممكن ترفع كل دعوى لوحدها أو ترفعهم مع بعض على حسب حالتك ...
1 تعليقات
أزال أحد مشرفي المدونة هذا التعليق.
ردحذف