مركز الإصلاح و التأهيل الجديد بوادي النطرون

 افتتاح مركز الإصلاح و التأهيل الجديد بوادي النطرون هيتقفل ١٢ سجن قديم و يتم هدمه و استغلال الأرض في تنفيذ مشروعات خدمية للسكان خاصة و انهم في وسط مدن مكتظة بالسكان

1-لومان طرة
2-سجن المنصورة | محافظة الدقهلية
3-سجن بنها | محافظة القليوبية
4-سجن طنطا | محافظة الغربية
5-سجن دمنهور | محافظة البحيرة
6-سجن الزقازيق | محافظة الشرقية
7-سجن شبين الكوم | محافظة المنوفية
8-سجن معسكر العمل | محافظة البحيرة
9-سجن المنيا العمومي
10-سجن القاهرة
11-سجن استئناف القاهرة
12-سجن الاسكندرية
•مركز الإصلاح و التأهيل الجديد في مدينة وادي النطرون بيتعمل زيه 8 مراكز تانية في اكتر من محافظة هيفتتح بعده بشهور مركز الإصلاح و التأهيل الجديد بمدينة بدر و خلال 3 سنوات هتكون باقي المراكز الجديدة خلصانة و هنقفل اكتر من 50 سجن قديم
•خلال 3 سنوات هنكون قدرنا نطور المنظومة العقابية في مصر بالكامل و نقفل تقريبًا كل السجون القديمة و نستبدلها بمراكز اصلاح و تأهيل على مستوى عالمي و مطابقة لتوصيات منظمة حقوق الإنسان كمراكز تحترم آدمية المُعاقب
•المشروع القومي لإنشاء "مراكز الإصلاح و التأهيل الجديدة" هو مشروع تعليمي و صحي و ثقافي و رياضي و زراعي و صناعي و تجاري في نفس الوقت فيه المستشفى و المدرسة و المصنع و الملعب و المكتبة و الصوبة الزراعية و استصلاح الأرض الصحراوية و فيه المول التجاري و الورشة الفنية و الجامع و الكنيسة
•منظومة مكتملة تقدر تغير من سلوك السجين للأفضل يقدر يخرج للمجتمع وهو عنده حرفة اتعلمها في الورشة أو معلومة قراها في كتاب في المكتبة أو مهنة اكتسبها من شغله في المصنع و الصوبة الزراعية
•تحويل المنظومة العقابية في مصر لمنظومة إنتاجية بعائد اقتصادي كان حلم كبير و بعيد ، ده بخلاف ان هيتوفر للدولة اكتر من 50 قطعة أرض داخل المدن تقدر تنفذ عليها مشروعات كتير ممكن تستعملها في المشروع القومي لتطوير العواصم و المحافظات و تبني عليها حي سكني جديد تنقل اليه سكان منطقة غير مخططة او تبني عليها مجمعات خدمية حكومية و بنوك او حتى مشروعات تجارية ترفيهية زي مول او سوق حضاري كل قطعة ارض هتتوفر هيتم دراسة المنطقة محتاجة لأيه و يبدأ تنفيذه عليها.





ليست هناك تعليقات:

إرسال تعليق